Popular Bible Verses from Dagiti Salmo 103

Share

Amin a kaunggak idaydayawmo ti APO; silalagipka koma iti kinamanangngaasina.

Pakawanenna ti amin a basolko, paimbagenna ti amin a sakitko. Yadayonak iti patay ken bendisionannak iti asi ken ayat. Punnoenna ti biagko iti kinaimbagna tapno agtalinaedak nga agtutubo ken napigsa a kas iti agila.

Idaydayawmo ti APO, O kararuak! Amin nga adda kaniak, idaydayawyo ti nasantoan a naganna.

Kaasian ti ama kadagiti annakna; kasta ti panangngaasi ni Yahweh kadagiti agraem kenkuana.

No kasano ti kaadayo ti laud manipud daya, kasta met ti kaadayo ti pangikabilanna kadagiti basbasoltayo.

Managayat ken manangngaasi ni Yahweh; saan a nalaka nga agpungtot, ket di agbalbaliw ti ayatna.

Saannatayo a dusaen kas mayannatup iti basoltayo. Saannatayo met balsen kas mayannurot iti labsingtayo. Kas iti kalawa ti nagbaetan ti langit ken daga, kasta ti ayatna kadagiti agbuteng kenkuana.

Impasdek ti APO ti tronona sadi langit, ket isu ti ari ti amin.