Popular Bible Verses from Dagiti Salmo 1

Share

Nagasat ti tao a di mangipangag iti pammagbaga dagiti managdakdakes, dina tuladen ti aramid dagiti managbasol, ken di makikadua kadagiti mangrabrabak iti Dios. Pagragsakanna ketdi ti Linteg ni Yahweh; aldaw-rabii a basbasaen ken ut-utobenna.

Mayarig iti kayo a naimula iti igid ti waig. Nalangto latta dagiti bulongna ken agbunga iti tiempona. Agballigi iti amin nga aramidenna.

Tarabayen ni Yahweh dagiti nalinteg, salaknibanna ida; ngem dagiti managdakdakes agturongda iti pakadadaelanda.