Popular Bible Verses from Dagiti Proverbio 3

Share

Agtalekka iti APO iti amin a pusom. Dika agtalek iti ipagarupmo nga ammom. Laglagipem ti APO iti amin nga aramidmo, ket isuronanto kenka ti rumbeng a dalan.

Dimo ipagarup a masiribka; agbutengka ketdi iti APO ket dika agaramid iti dakes.

Padayawam ti APO babaen iti panangidatagmo kenkuana iti kasayaatan nga apitmo. No aramidem ti kasta, mapnonto dagiti kamaligmo, ket aglippiasto iti arak dagiti burnaymo.

Dimo baybay-an ti ayat ken kinapudno. Ibitinmo ida iti tengngedmo ken isuratmo ida iti pusom.

Anakko, no tubngarennaka ti APO ikasom a nalaing ket ibilangmo a kas ballaagna. Babalawen ti APO dagiti ay-ayatenna, a kas iti panangbabalaw ti maysa nga ama iti anak nga ipatpategna.

Anakko, dimo liplipatan ti isurok kenka. Laglagipem a kanayon dagiti ibagak nga aramidem. Napaut ken narang-ay a panagbiag ti itedto kenka ti pannursurok.

Nagasat ti tao nga agbalin a masirib, ti tao a makagun-od iti pannakaawat. Ad-adu ti magunggona iti sirib ngem iti pirak; napatpateg nga adayo ngem ti balitok. Napatpateg nga adayo ti kinasirib ngem ti alahas; saan a maartapan ti uray ania a tarigagayam.

No adda gundawaymo a mangipaay iti imbag, ipaaymo kadagiti makasapul.

Pinarsua ti APO ti daga babaen iti kinasiribna; insaadna dagiti langit babaen iti pannakaawatna.