Popular Bible Verses from Dagiti Proverbio 29

Share

Ti buteng isu ti pakadadaelam, ngem no agtalekka iti APO, awan ti pakaan-anoam.

No saan nga idalan ti Dios ti maysa a nasion, awan urnos ti pagilian. Nagasat ti tao a mangsalimetmet iti linteg ti Dios!

Bulosan ti maag ti pungtotna, ngem naanus ti masirib ket tenglenna ti riknana.

Pagimbagan dagiti ubbing ti panangisuro ken panangdisiplina. No mabaybay-an ti ubing nga agaramid iti kaykayatna, ibabainnanto ti inana.

Disiplinaam ti anakmo a lalaki ket mabalinmonto nga ipagpannakkel. Saannakanto nga ikkan iti pakaibabainam.

Ti kinatangsit ti tao isut' mangipababa kenkuana, ngem mararaem no napakumbaba.

Ti tao a nalaka nga agpungtot pataudenna ti ringgor ken riribuk.

Dakdakkel ti namnama ti nengneng a maag, ngem ti tao a dina panunoten nga umuna ti isawangna.