Popular Bible Verses from Dagiti Proverbio 19

Share

Mabalin a planoen ti tao ti amin a banag, ngem ti pagayatan ni Yahweh ti matungpal.

No ikkam ti napanglaw, kasla ni Yahweh ti nangtedam ket subadannakanto ti APO.

No manakemka, saanka a nalaka nga agpungtot. No adda makaaramid iti saan a nasayaat kenka, pakaidayawam no palabsem ti biddutna.

No dumngegka iti pammagbaga ket siaayatka nga umawat iti pannursuro, addanto aldaw a sumiribka.

Agtulnogka iti APO no ket napautto ti biagmo, natalged ken awan ti pakaan-anoam.

Tulongam ti bagim ket adalem ti amin a mabalinmo a sursuroen; laglagipem ti inadalmo ket rumang-aykanto.

Disiplinaem dagiti annakmo ita ta ubbingda pay nga adda pagnaan ti pannursuro. No dimo disiplinaen ida, tultulongam ida a mangdadael kadagiti bagbagida.

Awan duadua ti pannakadusa ti siasinoman nga agsao iti ulbod iti pangukoman; saan a makalisi ti kasta a tao.