Popular Bible Verses from Dagiti Proverbio 1

Tapno maaddaanka iti ammo, masapul nga agdayaw ken agbutengka iti APO. Laisen dagiti maag ti kinasirib ket dida kayat ti agsursuro. Anakko, ipangagmo ti ibaga da amam ken inam kenka.

Matay dagiti tattao nga awan padpadasna ta linaisda ti sirib. Madadael dagiti maag gapu iti dida panangikankano. Ngem natalgedto ti panagbiag ti siasinoman a dumngeg kaniak. Natalgedto ket awanto ti pagbutnganna.”

Manayonan dagitoy a proberbio ti pannakaammo dagiti masirib. Maidalanda dagiti adda adalna

Anakko, no sulisogendaka dagiti managbasol, dika sumuko.

Dagiti proberbio ni Solomon nga anak ni David ken ari ti Israel. Adtoy dagiti proberbio a makatulong kadakayo tapno mailasinyo ti kinasirib ken nasayaat a pammagbaga, tapno maawatanyo dagiti pagsasao a nauneg ti kaipapananda. Maisurodakayo nga agbiag a manakem, agbiag iti kinalinteg, kinapudno ken kinatakneng. Mapagbalinda a masirib dagiti awan padasna ket matulonganda dagiti agtutubo a lallaki a mangusar iti panunotda.

Inton mapasamak dagitoy, tarigagayanyonto ti sirib ngem dikayto ipangag. Birokendakto iti amin a suli ngem didakton masarakan. Kinagurayo ti pannakaammo ken diyo kinayat ti agbuteng iti APO.