Popular Bible Verses from Taga-Filipos 3

Share

Kinapudnona, kakabsat, diak ibaga a naragpatkon daytoy. Aramidek ketdi ti maysa a banag: Lipatek amin a napalabas ket ipakatko ti amin a kabaelak a manggun-od iti adda iti masangoanan. Iti kasta, sipipingetak nga agtaray nga agturong iti pagtungpalan tapno magun-odko ti gunggona a yaw-awis ti Dios kadatayo babaen ken Cristo Jesus.

Ti la tarigagayak isu ti pannakaammok ken ni Cristo, ti pannakapadasko iti pannakabalin ti panagungarna, ti pannakipagsagabak kenkuana ken ti panagbalinko a kas kenkuana iti ipapatayna, iti namnamak a mapagungarakto met.

Wen, ibilangko amin a pukaw tapno magun-odko ti napatpateg nga isu ti pannakaammo ken ni Cristo Jesus nga Apok. Gapu kenkuana, binaybay-akon ti amin a masansan idi nga aramidek. Imbellengko aminen ida a kas rugit tapno, kas kunadan, magun-odko ni Cristo

Ngem dagiti amin nga imbilangko a gunggona, mabigbigko itan nga awan pategda, gapu ken Cristo.