Popular Bible Verses from Taga-Filipos 1

Share

Kapkapnekak a ti Dios a nangirugi iti daytoy naimbag nga aramid kadakayo, ileppasna agingga iti Aldaw a panagsubli ni Cristo Jesus.

Ikararagko a dumakkel koma a dumakkel ti ayatyo agraman pudno a pannakaammo ken naan-anay a pannakaawat tapno mabalinyo a pilien ti kasayaatan. Iti kasta, awanto ti aniaman a kinarugit ken pakababalawanyo inton Aldaw a panagsubli ni Cristo.

Ta ania ngamin ti biag? Kaniak la a biang, ti biag isu ti panagserbi ken ni Cristo ket ti ipapatay ibilangko a gunggona, saan a pannakapukaw.

Agyamanak iti Diosko tunggal malagipkayo. Tunggal idawdawatankayo, agkararagak a sirarag-o gapu iti panangtulongyo kaniak iti pannakaisaknap ti ebanghelio manipud idi damo a naikasaba kadakayo agingga ita.

Mayannurot koma ngarud ti panagbiagyo iti ebanghelio ni Cristo, ta sarungkarankayo man wenno saan, madamagko koma a natibkerkayo iti maymaysa a panggep, ken sangsangkamaysakayo a makidangadang gapu iti pammati a naibatay iti ebanghelio.

Nasged ti tarigagay ken namnamak a diak koma agliway iti pagrebbengak uray kaanoman, no di ket kankanayon koma, nangruna ita, a mapnoak iti tured, tapno babaen iti bagik, maidayaw ni Cristo, agbiagak man wenno matayak.

Ta naited kadakayo ti gundaway nga agserbi ken ni Cristo, saan laeng a babaen iti panamatiyo kenkuana, no di pay ket iti panagsagabayo gapu kenkuana.