Popular Bible Verses from San Mateo 7

Share

“Agdawatkayo ket maikkankayto; agsapulkayo ket makabirokkayto; agtuktokkayo ket mailukatto ti ruangan kadakayo.

Ta ti amin nga agdawat, maikkan; ti agsapul, makabirok; ti agtuktok, mailukatto kenkuana ti ruangan.

“Ngarud, siasinoman a dumngeg kadagitoy saok ket tungpalenna ida, mayarig iti masirib a tao a nagpatakder iti balayna iti rabaw ti bato.

“Aramidenyo kadagiti tattao ti kayatyo nga aramidenda kadakayo; ta daytoy ti kaipapanan ti Linteg ken ti pannursuro dagiti profeta.”

Ngem nailet ti ruangan ti biag ken narigat ti dalan nga agturong iti biag, ket manmano ti makasarak.”

“Sumrekkayo iti nailet a ruangan, ta nalawa ti ruangan ken kasta met ti dalan nga agturong iti agnanayon a pakadadaelan, ket adu ti magna sadiay.

No dakayo idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ni Amayo sadi langit iti naimbag kadagiti agdawat kenkuana?

“Diyo ukomen dagiti sabali tapno dinakayto met ukomen ti Dios, ta ukomennakayto ti Dios a kas iti panangukomyo kadagiti sabali. Ti pangrukodyo iti sabali isunto met laeng ti pangrukod ti Dios kadakayo.

Ngem ti siasinoman a dumngeg kadagitoy saok ket dina tungpalen ida, mayarig iti maag a tao a nagpatakder iti balayna iti kadaratan.

Apay a dillawem ti puling iti mata ni kabsatmo, no dimo pay madlaw ti troso iti matam? Kasano nga ibagam nga ikkatem ti puling iti mata ni kabsatmo no dimo pay madlaw ti troso iti matam?

“Agannadkayo kadagiti sinan-profeta. Umayda kadakayo ket agparangda a kas karnero, ngem iti kinapudnona, narawetda a lobo. Mailasinyonto ida babaen kadagiti aramidda. Adda aya kalkalunay nga agbunga iti ubas, wenno sisiitan a kayo nga agbunga iti igos?

Ti nasayaat a kayo nasayaat ti bungana; ti dakes a kayo dakes ti bungana.

No nasayaat ti kayo, saan nga agbunga iti dakes; no dakes ti kayo, saan nga agbunga iti nasayaat.

Ti kayo a saan nga agbunga iti nasayaat, mapukan ket maisungrod.