Popular Bible Verses from San Mateo 27

Share

Idi dandani alas tres iti malem, impukkaw ni Jesus iti napigsa a timek: “Eli, Eli, lema sabaktani?” kayatna a sawen: “Diosko, Diosko, apay a binaybay-annak?”

Napigis ti kurtina a naibengbeng iti Templo: naggudua manipud iti ngato agingga iti baba. Nagginggined, naburburak dagiti bato, naglukat dagiti tanem, ket napagungar dagiti adu a nasantoan a tattao.

Nagpukkaw manen ni Jesus iti napigsa ket nauyosen ti biagna.

Nagbuteng ti kapitan ken dagiti soldadona a mangbambantay ken ni Jesus idi mariknada ti ginggined ken makitada ti amin a napasamak. Kinunada, “Pudno gayam nga Anak ti Dios daytoy!”

Iti tengnga ti aldaw, nagsipnget iti entero a daga ket nagpaut iti tallo nga oras.

“Ania ngarud ti aramidek ken ni Jesus a maaw-awagan iti Cristo?” sinaludsod ni Pilato. “Ilansam iti krus,” kinunada amin. Nagsaludsod manen ni Pilato kadakuada: “Ania kadi ti basolna?” “Ilansam iti krus,” inyad-addada ketdi nga impukkaw.