Popular Bible Verses from San Mateo 12

Share

“Ibagak kadakayo nga inton Aldaw a Panangukom, sungbatanto ti tunggal maysa dagiti awan serserbina nga insawangna. Ta dagitinto saom ti pakaukomam met laeng—no nakabasolka wenno saan.”

Dakayo a kaputotan ti uleg, kasano ti panagsaoyo iti naimbag idinto a dakeskayo? Ta isawang ti ngiwat ti linaon ti puso.

Iruar ti naimbag a tao dagiti naimbag nga iduldulinna. Iruar ti dakes a tao dagiti dakes nga iduldulinna.

Daytoy ti gapuna nga ibagak kadakayo: mapakawan ti siasinoman a makabasol wenno agsao iti kinadakes, ngem dinto mapakawan ti agsao iti maibusor iti Espiritu Santo.

“No nasayaat ti kayo, agbunga iti nasayaat. No saan a nasayaat ti kayo, saan a nasayaat ti bungana. Ta mailasin ti kayo gapu iti bungana.