Popular Bible Verses from Josue 10

Share

Saan a naggaraw ti init ken ti bulan agingga a naparmek ti Israel ti amin a kabusorna. Nailanad daytoy iti Libro ni Jashar. Nagintek ti init iti tengnga ti tangatang, ket nagmalmalem a saan a limnek.

Iti dayta nga aldaw, idi pinagballigi ni Yahweh dagiti Israelita iti pannakirangetda kadagiti Amorreo, nakisao ni Josue kenkuana. Kinunana iti sango dagiti Israelita: “Init, dika agkutkuti iti ngatoen ti Gabaon; Bulan, agsardengka iti ngatoen ti tanap ti Aijalon.”

Sakbay daytoy wenno manipud iti daytoy nga aldaw, awan pay ti aldaw a kas itoy nga impangag ni Yahweh ti timek ti maysa a tao. Tinulongan ni Yahweh dagiti Israelita a nakigubat.

Kinuna ni Yahweh ken ni Josue, “Saanka nga agbuteng kadakuada, ta intedko kenkan ti balligi. Awanto ti uray maysa kadakuada a makabael a sumaranget kenka.”

Kinuna manen ni Josue kadakuada, “Saankayo nga agbuteng wenno maupay. Pumigsa ken tumuredkayo, ta kastoyto ti aramiden ti APO kadagiti amin a kabusoryo.”