Popular Bible Verses from Job 2

Share

Kinuna ti asawana, “Agtalinaedka pay la kadi iti kinapudnom iti Dios? Apay a dimo ilunod ti Dios tapno mataykan!” “Minamaag ti sasawem,” insungbat ni Job. “No mangted ti Dios iti imbag, awatentayo. Apay nga agreklamotayo no mangyeg iti rigat?” Ngem iti laksid ti panagsagaba ni Job, saan latta a nagsao iti maibusor iti Dios.

Sinaludsod ni Yahweh, “Napaliiwmo kadi ni Job nga adipenko? Awan ti masarakan iti daga a kas kenkuana iti kinapudno ken awan pakapilawanna. Managbuteng kaniak ket saan nga agaramid iti dakes. Dinawatmo kaniak tapno palubosanka a mangdangran kenkuana nga awan gapgapuna. Ngem kaskasdi a nagtalinaed a napudno kaniak.”

“Ala, wen, yawatko kenka ni Job,” kinuna ni Yahweh ken ni Satanas. “Aramidem ti kayatmo kenkuana, ngem saanmo a patpatayen.”

Tallo kadagiti gagayyem ni Job ti nakadamag iti didigra a napagtengna. Isuda da Elifaz a taga-siudad ti Teman, Bildad a taga-Sua ken Zofar a taga-Naama. Nagtutulagda a sarungkaran ni Job tapno liwliwaenda. Nasaripatpatanda ni Job idi adayoda pay laeng ngem dida nabigbig. Idi mailasinda nga isu gayam ni Job, nagsangit ken naganug-ogda. Gapu iti ladingitda, rinay-abda dagiti pagan-anayda sada nagipurruak iti tapok iti ngato ken kadagiti uloda. Kalpasanna, nakitugawda ken ni Job iti daga iti las-ud ti pito nga aldaw ken rabii. Awan ti nagsao kadakuada gapu iti nakitada a nakaro unay a panagsagabana.