Isuna laeng nga annugotem ti basolmo kaniak ket sinukirmo ni Yahweh a Diosmo. Ipudnom kaniak nga inayatmo dagiti didiosen iti sirok ti tunggal nalangto a kayo, ket dimo impangag dagiti bilinko. Siak, ni Yahweh, ti nagsao iti daytoy.
“Agsublikayo, dakayo a saan a napudno a tattao agsipud ta kukuakayo. Mangalaak iti maysa kadakayo iti kada ili ken dua iti kada familia ket isublikayo idiay Bantay Sion.