Popular Bible Verses from Uk-ukom 6

Share

Nagparang sadiay ti anghel ni Yahweh ket kinunana, “Adda kenka ti APO, sika a natured a mannakigubat.”

Binilin ni Yahweh ni Gideon, “Agrubbuatka ket aramaten ti amin a pigsam a mangisalakan kadagiti Israelita iti pannakabalin dagiti Midianita. Siak a mismo ti mangibaon kenka.”

Kinuna ni Yahweh kenkuana, “Kabaelam nga isalakan ti Israel ta tulonganka. Laklakaemto a parmeken dagiti Midianita ta kasdanto la maymaysa a tao.”

“Apo,” kinuna ni Gideon kenkuana, “no agpayso nga adda kadakami ti APO, apay a kastoy ti mapaspasamak kadakuada? Yanna dagidi imbagbaga dagidi kapuonanmi a datdatlag nga ar-aramiden ti APO—no kasano nga inruarna ida idiay Egipto? Binaybay-annakamin ti APO ket inyawatnakami kadagiti Midianita a mangparparigat kadakami.”

“Ngem, Apo,” kinuna ni Gideon, “kasano a maisalakanko ti Israel? Ti partidok ti kabassitan iti tribu ti Manases, ket siak ti kanumoan a kameng ti familiak.”

Dimteng ti anghel ni Yahweh idiay Ofra ket nagtugaw iti sirok ti kayo a lugo a kukua ni Joas iti kaputotan ni Abiezer. Agir-irik idi ni Gideon nga anakna iti ayan ti pagpespesan iti ubas; ilemlemmengna ti panagirikna tapno saan a makita dagiti Midianita.

Nangaramid sadiay ni Gideon iti altar nga agpaay ken ni Yahweh ket pinanagananna iti “Yahweh-salom.” Agpapan ita, adda pay laeng ti altar idiay Ofra a kukua ti kaputotan ni Abiezer.

“No adda pannakaikarik iti imatangmo,” insungbat ni Gideon, “ikkannak iti pammaneknek a sika a mismo ti APO.

Ngem kinuna ni Yahweh kenkuana, “Talna ti adda kenka. Dika agbuteng. Awan pakaan-anoam. Saanka a matay.”

Nagbasol manen dagiti Israelita ken ni Yahweh, ket binay-anna nga iturayan ida dagiti Midianita iti uneg ti pito a tawen.