Popular Bible Verses from Isaias 9

Share

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

Dagiti tattao a nagna iti kasipngetan nakitada ti lawag a nagpaidumat' raniagna! Nagnaedda iti daga dagiti anniniwan ngem ita agraniag kadakuada ti lawag.

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti APO a Mannakabalin-amin.

Mapuoranto dagiti amin a botas ken dagiti daradara a pagan-anay dagiti soldado a rimmaut.

Pulos nga awanto ti pamuspusanda tapno malisianda daytoy a tiempo ti rigat. Naibabain idi ti daga dagiti tribu ti Zabulon ken Neftali. Ngem iti masakbayan, maitan-okto daytoy a daga manipud Mediterranean nga agpadaya iti daga ti ballasiw ti Jordan agingga iti Galilea a taeng dagiti ganggannaet.

Kasta unay ti ragsakda, O Apo; inyegmo ti rag-oda. Gapu iti inaramidmo, agragsakda a kas kadagiti tattao a naragsak no agan-anida wenno bingbingayenda dagiti sinamsamda.

Inikkatmo ti sangol a dadagsenda, tinukkolmo ti pang-or a nangparigat kadakuada. Pinarmekmo ti pagilian a nangidadanes ken nanggundaway kadagiti tattaom a kas iti panangparmekmo iti armada ti Midian idi un-unana.