Popular Bible Verses from Isaias 62

Share

Saankanton a maawagan iti “Nabaybay-an,” dinto met maawagan ti dagam iti “Asawa a Napanawan.” Baro a naganmonto ti “Isu ti Ipangpangruna ti Dios.” Maawaganto ti dagam iti “Naragsak a Naasawaan,” gapu ta maragsakan ti APO kenka, ket ibilangnanto ti dagam a kas asawa.

Kadagiti bakudmo, Jerusalem, nangikabilak kadagiti guardia; aldaw man wenno rabii, awan panagulimekda, masapul nga ipalagipda iti APO dagiti karina tapno saanna a malipatan ida. Masapul a dida pagtalnaen agingga a bangonenna ti Jerusalem ket pagbalinenna a siudad a daydayawen ti entero a lubong!

Agbalinkanto a napintas a korona iti ima ti APO.

Kas iti lalaki nga agtutubo, a mangasawa iti ubing a balasang, Isu a nangbukel kenka alaennaka a kas asawa. Kas iti nobio a maragsakan iti ay-ayatenna, Kastanto met a maragsakan ti Dios kenka.