Popular Bible Verses from Isaias 1

Share

Kuna ni Yahweh, “Ita, umaykayo ta aglilinnawagtayo. Nalabaga ti mansayo gapu iti basol, ngem dalusankayo agingga nga agbalinkayo a napudaw a kas iti kapas. Uray no nakalablabbaga ti mansayo, pumudawkayto a kas iti puraw a de lana.

No la ket agtulnogkayo kaniak, sagrapenyonto dagiti agkakaimbag a maapit iti daga.

ket sursuroenyo ti agaramid iti naimbag. Ikagumaanyo a maipakat ti hustisia—tulonganyo dagiti maidadanes, ikalinteganyo dagiti ul-ulila, ket salaknibanyo dagiti balo.”

Ngem no dikay agtulnog ket sukirendak, masentensiaankayto a matay.” Daytoy ti sao ni Yahweh.

Dalusanyo dagiti bagbagiyo. Isardengyon ti amin a kinadakes a makitkitak nga ar-aramidenyo. Wen, isardengyon ti agaramid iti dakes

“No agkararagkayo nga umawag kaniak, dikayto talliawen. Uray kararagkayo a kararag, dikayto denggen ta namansaan iti basol dagiti imayo.

Diak kayaten dagiti awan serserbina a datonyo. Naumaakon iti angot ti insenso nga idatdatonyo. Diak maanusan dagiti panangrambakyo iti Fiesta ti Lutuad, ti Aldaw a Panaginana, ken panaggigimongyo. Namulitanda amin gapu kadagiti basbasolyo.

Ammo dagiti baka ti akinkukua kadakuada. Ammo met dagiti asno ti lugar a pangpakanan ti apoda kadakuada. Ngem awan ti ammo dagiti Israelita. Saan a makaawat dagiti tattaok.”

Kagurak ti panangrambakyo iti Fiesta ti Lutuad ken ti panangrambakyo kadagiti nasantoan nga aldaw. Nagbalindan a dadagsen a diakon maibturan.