Popular Bible Verses from Taga-Galacia 5

Share

Ngem ti Espiritu pataudenna ti ayat, rag-o, talna, anus, kinamanangngaasi, kinaimbag, kinamatalek, kinapakumbaba ken kinamanagteppel. Awan ti linteg a maibusor kadagitoy.

Daytoy ti kayatko a sawen: ituloyyo ti paidalan iti Espiritu, ket diyo pagustoan ti tarigagay ti kinataoyo.

Inikkannatayo ti Espiritu iti biag; masapul nga iturayanna met ti biagtayo.

Ket dagiti pasurot ni Cristo Jesus, inlansada ti daan a kinataoda agraman ti amin a gartem ken naindagaan a tarigagay.

Nalawag a makita ti aramid ti kinatao. Isuda dagitoy: pannakikamalala, kinarugit, kinaderrep, panagrukbab kadagiti didiosen, panagan-anito, panaggiginnura, panagaapa, panagiinnimon, panagpungpungtot, kinaagum, panagiinnapal, panagbarbartek, nalabes a panagragragsak ken dadduma pay a kas kadagitoy. Ballaagankayo ita a kas panangballaagko kadakayo idi a dagiti agaramid kadagitoy didanto mairaman a makipagyan iti Pagarian ti Dios.

Iti biangyo, kakabsatko, naayabankayo nga agwayawaya. Ngem saan a daytoy a wayawaya ti panggapuanyo a mangipalubos nga iturayannakayo ti tarigagayyo a kas tao. Agtitinnulongkayo ketdi gapu iti ayat.

Ta maibusor ti tarigagay ti Espiritu iti tarigagay ti kinatao. Maibusor met ti tarigagay ti kinatao iti tarigagay ti Espiritu. Agbinnusor dagitoy, kayatna a sawen, diyo maaramid ti kayatyo nga aramiden.

Ta madagup ti amin a Linteg iti maymaysa a bilin: “Ayatem ti padam a tao a kas iti bagim.”

Ditay koma agpalangguad, wenno agpipinnasakit wenno agiinnapal.

Winayawayaannatayo ni Cristo! Kayatna a sawen a pudno a siwawayatayo. Agtalinaedkayo ngarud a kas nawayawayaan a tattao, ket diyo ipalubos nga agbalinkayo manen a tagabu.