Popular Bible Verses from Ezekiel 18

Share

Diak kayat a matay ti siasinoman,” kuna ti Apo a DIOS. “Isardengyo ti agbasol ket agbiagkayo.”

Ti tao nga agbasol, isunto ti matay. Saan nga agsagaba ti anak gapu kadagiti basbasol ni amana. Saan met nga agsagaba ti ama gapu kadagiti basol ti anakna. Magunggonaan ti naimbag a tao gapu iti naimbag nga aramidna. Agsagaba met ti dakes a tao gapu iti dakes nga aramidna.

Isardengyo ti amin a dakes nga aramidyo ket pabaroenyo ti nakem ken pusoyo. Apay nga ipalubosyo a mataykayto, dakayo nga Israelita?

Maragsakanak aya iti ipapatay ti managdakdakes?” kuna ti Apo a DIOS. “Saan! kaykayatko ketdi nga agbabawi iti dakes nga aramidna tapno agbiag.

“No isardeng ti managdakdakes ti panagbasolna, ket tungpalenna amin a lintegko, no aramidenna ti nalinteg ken naimbag, saanto a matay. Awan duadua nga agbiagto.

Agtulnog dayta a tao kadagiti bilinko ket tungpalenna a siaannad dagiti lintegko. Nalinteg daytoy a tao ket agbiagto,” kuna ti Apo a DIOS.