Popular Bible Verses from Exodo 9

Share

Ngem saanko nga inaramid ti kasta tapno ipakitak kadakuada ti pannakabalinko tapno agsaknap ti kinalatakko iti entero a daga.

Kinuna ni Yahweh ken ni Moises, “Inka iti ari ket kunam a paibaga ni Yahweh, ti Dios dagiti Hebreo, a palubosanna a pumanaw dagiti Israelita tapno umayda agdaydayaw kaniak.

No kinayatko nga inyeg ti didigra a sakit kenkuana ken kadagiti tattaona, natayda koma amin itan.

yegko a pangdusak kenkuana ti maysa nga angol a mangikisap kadagiti animalna—dagiti kabalio, asno, kamelio, baka, karnero ken kalding. Ilasinkonto dagiti animal dagiti Israelita kadagiti animal dagiti Egipcio. Awanto ti matay nga animal dagiti Israelita.

Iti kasta, pagtudoekto iti yelo iti kastoy nga oras inton bigat. Daytoyto ti kakaroan a panagtudo iti yelo iti pakasaritaan ti Egipto. Ibagam kenkuana a pailinongna dagiti animalna ken kasta met nga aglinong dagiti tattao nga adda iti ruar ta matay dagiti amin a matinnagan.”

Kaslanto tapok nga agwaras iti entero nga Egipto ket pataudennanto dagiti letteg nga agbalin a gaddil kadagiti tattao ken animal iti amin a lugar.” Nangalada iti dapu sada napan nagtakder iti sango ti ari. Impurruak ni Moises ti dapu iti ngato ket nagtubo ti letteg kadagiti tattao ken kadagiti animal. Nalapunosda iti letteg.