Popular Bible Verses from Eclesiastes 2

Share

Ikkan ti Dios iti sirib, ammo ken ragsak dagiti kaay-ayona, ngem pagtrabahoenna dagiti managbasol; mangged ken agsalimetmetda tapno maited ti matgedanda kadagiti kaay-ayona. Awan serserbina amin. Mayarig iti panangkamat iti angin.

Awanen ti nasaysayaat nga aramiden ti maysa a tao no di mangan ken uminum ket nanamenna ti nagbambannoganna. Uray daytoy, nabigbigko nga agtaud iti Dios. No awan ti Dios, kasano a maaddaanka iti taraon wenno mabalinmo ti agragsak?

Ngem idi ammirisek ti amin nga inaramidko ken no kasano ti rigatko a nagtrabaho, nabigbigko nga awan kaipapanan dagitoy. Mayarig iti panangkamkamat iti angin—awan serserbina.

Nagun-odko amin a tinarigagayak. Inaramidko ti amin a kinaykayatko a pagragsakan. Wen, impannakkelko amin nga inaramidko ket daytoy ti gunggonak.

Ammok met ketdi a nasaysayaat ti kinasirib ngem ti kinamaag a kas iti lawag a nasaysayaat ngem iti sipnget.

Ammo dagiti masirib ti pagturonganda, ngem dagiti maag saanda nga ammo ti pagbanaganda. Ngem ammok met a maymaysa ti pagtungpalantayo amin.

Aramidem ti maysa a banag iti amin a kinasirib, pannakaammo ken kinalaingmo ngem kalpasanna, ibatimto a tawiden ti tao a di nagbannog. Awan serserbina daytoy ket saan a nainkalintegan!