Popular Bible Verses from Daniel 6

Share

Nagawid ni Daniel idi madamagna a nafirmaanen ti bilin. Iti akingngato a kadsaaran ti balayna, adda kuarto a tallo ti tawana a sumango iti Jerusalem. Kas iti masansan nga ar-aramidenna, nagparintumeng iti sangoanan dagiti nakalukat a tawa ket nagkararag iti Dios iti mamitlo iti maysa nga aldaw.

Imbaon ti Dios ti anghelna ket pinagkaemna ti ngiwat dagiti leon tapno saandak a dangran. Inaramidna daytoy agsipud ta ammona nga awan basolko kenka, O Natan-ok nga Ari!”

Ibilinko nga iti entero a masakupan ti pagariak, masapul nga agbuteng ken agraem dagiti tattao iti Dios ni Daniel. “Isu ti sibibiag a Dios, ket agturay iti agnanayon. Pulos a dinto madadael ti pagarianna, ket dinto met agpatingga ti pannakabalinna. Mangisalakan ken mangispal; agiparang kadagiti nakaskasdaaw ken milagro sadi langit ken ditoy daga. Insalakanna ni Daniel iti panangpatay dagiti leon.”

Nagbilin ngarud ti ari a maala ni Daniel ket maitappuak iti rukib dagiti leon. Sakbay a maitappuak ni Daniel, kinuna ti ari kenkuana, “Isalakannaka koma ti Diosmo a pagserserbiam a sipupudno.”