Popular Bible Verses from Daniel 3

Share

Simmungbat da Sedrac, Mesac ken Abednego, “Natan-ok nga Ari, saan a masapul nga ikalinteganmi dagiti bagbagimi. No ti Dios a pagserserbianmi mabalinnakami nga isalakan iti gumilgil-ayab nga urno ken iti pannakabalinmo, aramidenna dayta. Ngem uray no dinakam isalakan, ammoem, O Natan-ok nga Ari, a dikam agdaydayaw iti diosmo, ket dikam agrukbab iti estatua a balitok nga impasdekmo.”

“Apay ngarud nga uppat a lallaki ti makitak a magmagna iti apuy?” sinaludsod ti ari. “Saanda a nareppet, ken saanda met a maan-ano—ket kalanglanga ti maysa nga anghel ti maikapat.”

Kinuna ni Nebucadnesar, “Madaydayaw ti Dios da Sedrac, Mesac ken Abednego! Imbaonna ti anghelna a mangisalakan kadagitoy a lallaki nga agserbi ken agtalek kenkuana. Kinaykayatda a salungasingen ti bilinko ket impustada ti biagda ngem iti agrukbab ken agdaydayaw iti sabali a dios malaksid iti Diosda.

“Ita, ibilinko a no adda siasinoman iti uray ania a nasion, puli wenno pagsasao nga agsao iti maibusor iti Dios da Sedrac, Mesac ken Abednego, marangrangkayda ken marakrak ti balayda. Awan ti sabali a dios a makaisalakan iti kastoy.”