Popular Bible Verses from 1 Timoteo 6

Share

Makidangadangka iti natan-ok a salisal ti pammati. Gun-odem ti biag nga agnanayon a nangayaban kenka ti Dios idi impakaammom ti kinapudnom iti sango ti adu a saksi.

Ta ti panagayat iti kuarta isu ti pagtaudan ti amin a kita ti kinadakes. Simmina ti sumagmamano a tattao iti pammati gapu iti tarigagayda a bumaknang ket nagsagabada iti adu a ladingit ken leddaang.

Agpayso met ketdi nga adda dakkel a magun-od iti relihion no la ket mapnektayon iti adda kadatayo.

Ania ti inyegtayo ditoy lubong? Awan! Ania ti mairuartayo iti lubong? Awan!

Bilinem dagiti babaknang ditoy lubong a dida agpaspasindayag ken dida italek ti namnamada iti kinabaknang a mapukawto met laeng. Agtalekda ketdi koma iti Dios, isu a sibubuslon a mangted iti amin a pagragsakantayo.

Ngem ti siasinoman nga agtarigagay a bumaknang, matnag iti sulisog ket maipalab-og iti adu a minamaag ken makadadael a tarigagay a mangirarem kenkuana iti pannakadadael ken pannakapukaw.

Ibagam nga agaramidda iti naimbag, a bumaknangda kadagiti nasayaat nga aramid, a managparaburda ken siaayatda a mangted kadagiti sabali. Iti kasta, agurnongdanto iti kinabaknang nga agbalinto a natibker a fondasion iti masakbayan, ket maragpatdanto ti napaypayso a biag.