Popular Bible Verses from 1 Timoteo 4

Share

Dimo ipalubos a laisendaka gapu iti kinaubingmo. Ikagumaam ketdi ti agbalin nga ulidan dagiti mamati: iti sao, iti panagbiag, iti ayat, iti pammati ken iti kinadalus.

Adda maited ti panangwatwat iti bagi, ngem naserbi iti amin a benneg ti biag ti panagwatwat iti espiritu, agsipud ta yegna dagiti pagimbagan iti agdama ken iti masakbayan.

Annadam ta bagim ken ti isursurom. Ipasnekmo nga aramiden dagitoy tapno maisalakanmonto ti mismo a bagim agraman dagiti dumngeg kenka.

Nalawag ti kuna ti Espiritu a kadagiti maudi nga al-aldaw, suminanto ti sumagmamano a tattao iti pammati. Ipangagdanto dagiti mangallilaw nga espiritu ket surotenda ti pannursuro dagiti demonio.

Ngem adaywam dagiti saan a nadiosan ken parbo a sarsarita. Agsanayka ketdi para iti nadiosan a biag.

Agingga iti yaayko, ipaaymo ti amin nga oras ken pigsam iti pannakaibasa ti Nasantoan a Surat iti publiko, ken iti panangasaba ken panangisuro.