Popular Bible Verses from 1 Pedro 3

Share

Ngem iti pusoyo, raemenyo ni Cristo a kas Apo. Sisasaganakayo koma a kanayon nga agpalawag no saludsodenda maipapan iti namnama nga adda kadakayo, ngem agsaokayo a sipapakumbaba ken napnoan dayaw. Pagtalinaedenyo a nadalus ti konsensiayo tapno mabainan dagiti nangibagbaga a dakes dagiti aramidyo kas pasurot ni Cristo.

Ta siiimatang ti Apo kadagiti nalinteg, ket dengdenggenna dagiti kararagda; ngem busorenna dagiti agaramid iti dakes.”

Dikay koma aglablabes nga agpapintas kas iti nagarbo a panagbubuok, panagalahas ken panagkawes. Ngem buklen koma ti pintasyo iti nasayaat a panagpuspuso, ti di agkupas a libnos ti kinaemma ken kinatalna ti espiritu. Isu daytoy ti kinapintas nga ibilang ti Dios a kapapatgan.

Kas kuna ti Nasantoan a Surat: “Siasinoman nga agtarigagay iti naragsak ken narang-ay a panagbiag, masapul a saan a mamadpadakes, saan nga agulbod. Adaywanna ti dakes ket agaramid iti naimbag. Birokenna ti kappia iti amin a kabaelanna.

Kamaudiananna, agmaymaysakay iti panunot ken rikna. Agiinnayatkayo a kas agkakabsat. Manangngaasi koma ti tunggal maysa ket saankayo nga agpalpalangguad. Diyo balsen dagiti agaramid kadakayo iti dakes. Diyo ilunod dagiti mangilunod kadakayo. Dawatenyo ketdi a bendisionan ida ti Dios agsipud ta idi ayabannakayo ti Dios inkarina a bendisionannakayo.

Adda aya mangranggas kadakayo no nareggetkayo nga agaramid iti naimbag?

Adaywanna ti dakes ket agaramid iti naimbag. Birokenna ti kappia iti amin a kabaelanna.

Ta naim-imbag ti agsagaba gapu iti panagaramid iti naimbag, no isut' pagayatan ti Dios, ngem ti agsagaba gapu iti panagaramid iti dakes.