Popular Bible Verses from 1 Ar-ari 18

Share

Sungbatannak, O APO, sungbatannak tapno maammoan dagitoy a tattao a sika, APO, ti Dios a mangisubli kadakuada kenka.”

Idi dumteng ti oras a panagidaton iti malem, napan ni profeta Elias iti sango ti altar ken inkararagna, “O APO a Dios da Abraham, Isaac ken Jacob, ipaneknekmo itan a sika ti Dios ti Israel. Wen, iparangarangmo a siak ti adipenmo ket imbilinmo nga aramidek amin dagitoy.

Immasideg ni Elias kadagiti tattao ket kinunana, “Kaano nga ikkatenyo ti panagduaduayo? No ti APO ti Dios, agdaydayawkayo kenkuana; ngem no ni Baal isu ti Dios, agdaydayawkayo kenkuana!” Ngem pulos nga awan ti nasao dagiti tattao.

Nangitinnag ni Yahweh iti apuy ket nauram a namimpinsan ti daton, dagiti kayo ken dagiti bato; nakset ti daga ket namagaan ti kanal iti lawlaw ti altar.

Idi makita daytoy dagiti tattao, nagpaklebda ket impukkawda, “Ti APO ti Dios, ti laeng APO ti Dios!”

Iti maikapito a daras, nagsubli ti adipen ket kinunana, “Adda nakitak nga ulep a kasla kadakkel ti dakulap, nga agpangpangato manipud iti taaw.” Imbilin ni Elias iti adipenna, “Inka ken ni Ari Ahab. Ibagam kenkuana nga agawiden amangan no saan a makapanaw gapu iti tudo.”

Bimmaba ken ni Elias ti pannakabalin ni Yahweh: binariksanna ti pagan-anayna sa nagtartaray agingga nga inunaanna ni Ari Ahab a dimmanon iti pagserkan ti Jezreel.

Kalpasanna, kinuna ni Elias ken ni Ari Ahab, “Ita, inka manganen. Mangngegko ti daranudor ti umay a tudo.”

Kinunana iti babaonenna, “Inka tannawagan ti taaw.” Simmang-at ti adipen sa met la nagsubli ket kinunana, “Awan a pulos ti makitak.” Namimpito nga imbaon ni Elias ti adipen a mangtannawag iti baybay.

Kinuna ni Elias kadagiti tattao, “Umasidegkayo kaniak,” ket immasidegda kenkuana. Rinugianna a tinarimaan ti narba nga altar ni Yahweh.

Kalpasanna, bay-anyo nga agkararag dagiti profeta ni Baal iti didiosenda ket agkararagak met iti APO. Ti mangyeg iti apuy a kas sungbatna iti kararag—isu ti Dios.” Impukkaw dagiti tattao ti yaanamongda.

Nangala iti sangapulo ket dua a bato, maysa ti mangibagi iti tunggal tribu dagiti kaputotan ni Jacob, ti tao a pinanaganan ni Yahweh iti Israel.

Iti tengnga ti aldaw, rinugian ni Elias ti nangrabrabak kadakuada, “Ipigpigsayo ti agkararag! Maysa a dios ni Baal! Nalabit nga agar-arapaap wenno napan immigid wenno napan nagbiahe. Wenno nalabit a matmaturog ket masapul a riingenyo!”

Dagitoy a bato ti inaramatna iti panangbangonna manen iti altar a pagdaydayawan ken ni Yahweh. Nangkali iti kanal iti aglikmut ti altar. Aglaon daytoy a kanal iti dandani uppat a galon a danum.