Popular Bible Verses from 1 Juan 2

Share

Diyo ayaten ti lubong wenno uray ania nga adda iti lubong. No ayatenyo ti lubong, awan ti panagayatyo iti Ama. Ta agtaud iti lubong ti amin nga adda ditoy lubong, a kas iti kinaderrep ti derrep, kinaderrep ti mata ken kinapalangguad. Saanda nga agtaud iti Ama.

Agpukaw ti lubong ken ti amin a linaonna nga aguman ti tao. Ngem agtalinaed nga agnanayon ti agaramid iti pagayatan ti Dios.

Ti agkuna nga agtalinaed iti Dios, masapul nga agbiag a kas iti panagbiag ni Jesu-Cristo.

Annakko, isuratko daytoy kadakayo tapno dikayo agbasol. Ngem no adda makabasol, adda mangibabaet kadatayo iti Ama—ni Jesu-Cristo a nalinteg.

No adda agkuna nga am-ammona ti Dios ngem dina met tungpalen dagiti bilinna, ulbod ti kasta a tao ket saan nga agtaeng ti kinapudno kenkuana.

No tungpalentayo dagiti bilbilin ti Dios, awan duadua nga am-ammotayo ti Dios.

Ti agkuna nga adda iti lawag ngem guraenna met ti kabsatna, adda pay laeng iti sipnget.

Siasino ngarud ti ulbod? Ti agkuna a ni Jesus saan nga isu ti Cristo. Kabusor ni Cristo ti kasta a tao, ta dina bigbigen ti Ama ken ti Anak.

Ta ti saan a mangbigbig iti Anak, saanna met a bigbigen ti Ama. Ti mangbigbig iti Anak, bigbigenna met ti Ama.