Popular Bible Verses from 1 Taga-Corinto 6

Share

Diyo kadi ammo a ti bagiyo ket templo ti Espiritu Santo? Diyo kadi ammo nga agtaeng kadakayo daytoy nga Espiritu nga inted ti Dios? Saanyo a kukua ti bagiyo, no di ket kukua ti Dios. Nangina ti inggatangna kadakayo. Ngarud, aramatenyo ti bagiyo a pakaidayawan ti Dios.

Saanyo aya nga ammo a dinto tagikuaen dagiti managdakdakes ti Pagarian ti Dios? Dikayo paallilaw. Dagiti tattao nga immoral, dagiti agrukbab kadagiti didiosen, dagiti mannakikamalala, dagiti aggartem iti padada a lalaki wenno padada a babai wenno dagiti agag-agaw, naagum, mammartek, mamadpadakes wenno dagiti mannanakaw—awanto kadakuada ti makipagtagikua iti Pagarian ti Dios.

Adaywanyo ti immoralidad. Ta malaksid daytoy, uray ania ti pagbasolan ti tao, adda iti ruar ti bagina. Ngem no makikamalala, makabasol metten iti mismo a bagina.

Adda agkuna: “Maipalubos kaniak ti amin a kayatko nga aramiden.” Wen, ngem dimo a pagimbagan ti amin a pagayatam. Mabalinko a kuna: “Maipalubos kaniak ti aniaman a banag. Nupay kasta, saanak a patagabu iti aniaman a banag.”

Pinagungar ti Dios ti Apo, ket pagungarennatayto met babaen iti pannakabalinna.