Popular Bible Verses from 1 Cronicas 16

Share

Inkay agpatulong iti APO, ket kanayon nga agdaydayawkayo kenkuana.

Naimbag ti APO, ket agyamankayo kenkuana agpaut nga agnanayon ti ayatna.

Agyamankay iti APO, awaganyo ti naganna, ipakaammoyo kadagiti tattao dagiti inar-aramidna!

Agragsaktayo ta kukuanatayo ti APO; agragsak koma amin nga agdaydayaw kenkuana!

Dakayo a kaputotan ni Jacob nga adipen ti Dios, kaputotan ni Israel a pinili ti Dios, lagipenyo dagiti milagro nga inaramidna ken dagiti pangngeddeng nga impaulogna.

Kantaanyo ti APO iti pagdaydayaw; ipakaammoyo dagiti inaramidna a nakaskasdaaw!

Naindaklan ti APO, ket masapul nga idaydayawtayo; ad-adda nga isu ti kabutengtayo ngem ti siasinoman a didiosen.

Idaydayawyo ti nadayag a nagan ti APO; mangitugotkay iti daton ket umaykayo iti Templona. Agrukbabkay iti imatang ti Nasantoan no agparang.

Dayag ken daeg ti manglikmut kenkuana, bileg ken rag-o ti mangpunno iti Templona.

Kantaanyo ti APO, dakay amin a tattao iti lubong! Inaldaw nga ipakaammoyo ti naimbag a damag nga insalakannatayo.

Ipakaammoyo ti dayagna kadagiti pagilian; kadagiti amin a tattao ibagayo dagiti nakaskasdaaw nga aramidna.

“Diyo ranggasan dagiti pinilik nga adipenko; diyo sagiden dagiti bukodko a profeta.”

Kinitikitan laeng nga imahen ti didiosen dagiti sabali a pagilian, ngem ti APO ti namarsua kadagiti langit.

Diyo lipatan ti katulaganna ken ni Abraham, ti inkarina ken ni Isaac ti tulag nga agpaay iti amin a kaputotan.

Agragsakkayo, dakay a langit ken daga! Ibagayo kadagiti nasion a ti APO ti ari.

Idaydayawyo ti APO a Dios ti Israel! Idaydayawyo iti agnanayon nga awan ti inggana. Ket kinuna dagiti amin a tattao: “Amen” sada indaydayaw ni Yahweh.

Idaydayawyo ti APO, dakayo amin a tattao ditoy daga, itan-okyo ti dayag ken pannakabalinna.