Popular Bible Verses from Hebreos 1

Share

Laani najc xtuxh xten xcäḻrdimbicha' Dios, laani najczani sigajc najc Dios, laazani rapchee guira'ti con xtiidxni ni rnibee. Cheni gulujx basiani xtojḻnu, gurejni xladbee Gueb Dios xhaguibaa te canibeeni.

Neṉ redxe galoo garen-garen mood guninäj Dios retoxtadgoldoonu. Xhidajlza huält guniini por reniguii ni bacuaa xtiidxni. Neṉ redxejre aguniini loonu por Xi'nni, lojzani badeed Dios yäḻrnibee guncheeni guedxliujre, badeedzani guira'ti lojni.

Guiraa rexangl Dios najc sprit, ruxhaḻ Diosreni te chayacnäjreni rebejṉ ni xca' yäḻnabajṉ par tejpas.

Rniizani: Luj, Dad, che guslojli bencheelu guira'ti, bencheelu cad soob guedxliuj, ṉaazalu bencheelu reguibaa. Laareni sinitlojreni, niluxh luj nabajṉlu par tejpas. Guiraareni siujx si'c riujx te lajd.