Popular Bible Verses from 2 CORINTIOS 5

Share

Lo'o juani nu lo'o cua ngusñi sca ñati̱ cha' ji'i̱ Cristo, li' cua nguxcutsa'a̱ Ni cha' ji'i̱ ñati̱ bi'; cua ndye cha' ji'i̱ yu lo'o cha' cuxi nu ngua'ni yu nu ngua tya tsubi' la. Chaca chalyuu cucui, bi' laca nu cua ngujui ji'i̱ yu juani.

Masi ná ntsu'u qui'ya ji'i̱ Cristo tsiya' ti, pana ycui' Ndyosi ngua'ni cha' ndyanu qui'ya nu ntsu'u ji'na hichu̱' Cristo. Si cua ngua stu'ba cha' ji'na lo'o Cristo, li' caca lubii cresiya ji'na ñi'ya̱ nu nti' ycui' Ndyosi cha' caca na.

Ndalo na ndi'i̱ na chalyuu xqui'ya cha' jlya ti' na cha' nu nda Ni lo'o na, si'i na cua na'a̱ na ñi'ya̱ caca cha' nde loo la.

Ycui' Ndyosi laca nu ndu'ni lcaa cha' bi', cha' cua ndyaca stu'ba cha' ji'na lo'o Ni xqui'ya Cristo. Lo'o juani cua nda Ni cña ji'na cha' chcui' na lo'o ngu' ñi'ya̱ caca stu'ba cha' ji'i̱ ngu' lo'o ycui' Ni. Xqui'ya Cristo ndu'ni Ni cha' cati̱ qui'ya nu ntsu'u ji'i̱ ñati̱ chalyuu lo'o Ni, nga'aa culotu̱ Ni ji'i̱ cha' cuxi nu cua ngua'ni ñati̱. Lo'o li' cua ngua'a̱ lo Ni ji'na, cha' cua'ni na cña cuentya ji'i̱ Ni, cha' chcui' na lo'o ñati̱ ñi'ya̱ taca ca stu'ba cha' ji'i̱ ngu' lo'o ycui' Ndyosi

bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.

Xqui'ya lcaa ñati̱, bi' cha' ntaja'a̱ Cristo ngujuii yu lo crusi. Cua nti' yu cha' nga'aa tyi'i̱ ñati̱ chalyuu cha' ji'i̱ ycui' ti ngu'; tyi'i̱ ngu' ni, pana xcui' cuentya ji'i̱ Cristo, cha' bi' laca nu cua ngujuii cuentya ji'i̱ ngu', bi' laca nu cua ndyu'ú chaca quiya' cuentya ji'i̱ ngu'. Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.

Cua jlo ti' na cha' sca ti ycui' Cristo ngujuii lo crusi cuentya ji'i̱ lcaa ñati̱ chalyuu; ñi'ya̱ nti' si cua ngujuii lcaa ñati̱ chalyuu xqui'ya qui'ya nu ntsu'u ji'i̱ ngu', jua'a̱ laca cha', xqui'ya cha' ngujuii yu lo crusi bi'. Lo'o juani jlo ti' na cha' ntsu'u tsa tyiquee Cristo ña'a̱ Ni ji'i̱ lcaa ñati̱ chalyuu, bi' cha' nga'a̱ cha' chcui' na cha' ji'i̱ Jesús lo'o xa' ñati̱.