Popular Bible Verses from Apocalipsis 10

Share

lawe' da gate su lau gubáz chee̱ xabáa gazre guchínene̱' luzu da xulucuezre̱', ba guca li ca naca da nun Dios dxal-la' gaca ca bzenne̱' benne' we̱n zrin chee̱' ca', benne' gulenné̱' waláz chee̱'.

Nadxa gulé̱'e̱ neda': ―Dxun na ba xen guchálaju' waláz chee̱ Dios lau benne' zaj zre̱'e̱ zane cue' xe̱zr la xu, ne lau benne' zaj zre̱'e̱ xe̱zre zan ca', ne lau benne' dxelenné̱' dizra' walazre' cha chee̱' ca', ne lau benne' wenná bea ca'.

Nadxa ble'eda' xetú gubáz chee̱ xabáa nápale̱'e̱ xel-la' dxenná bea. Bétaje̱' xabáa, xu'e̱ tu lu beuj, ne zua tu bchita' xíchaje̱'. Dxu'a lawe̱' dxácatite na ca gubizra, na' ni'e̱ zaj naca na ca xi'.

Nadxa guxá'a lau gubáz chee̱ xabáa na', na' gunaba' gunne̱' neda' xíchedu na', na' guzre̱' neda': ―Gucá'a na. Gudagu na. Lu dxu'u gaca na zixre ca bzrína'dau', na' lu le̱'u xexaca na da sla'. Nadxa gucá'a xíchedu na' lu na' gubáz chee̱ xabáa na', na' gudawa' na, na' lu dxu'a guca na zixre ca bzrína'dau'. Ca gudé gudawa' na, bexaca na sla' lu le̱'a.