Popular Bible Verses from Salmos 91

Share

waca xe̱'e̱ Dios: Nacu' Bénnea' dxebeza lazra', ne Bénnea' dxucache chawe̱' neda'. Nacu' Dios chia', na' dxuxrén lazra' Lue'.

Bénnea' dxuxrén lazre̱' Xránadxu Dios chee̱ guxúe̱' le̱', ne dxuzúe̱' Dios, Bénnea' nape̱' dute̱ xel-la' waca, chee̱ gácale̱ne̱' le̱'

Gate xelenné̱' neda', na' xeche̱ba' chee̱'. Gate zaj xu'e̱ lu da ste̱be, súale̱queza' le̱'. Guselá' le̱', ne guna' le̱' ba lá'ana.

Dios gusebague̱' gubáz chee̱ xabáa chee̱' ca' chee̱ xelácale̱ne̱' lue', na' xuluxúe̱' lue' gátete̱ze chéaju'.

Gucache chawe̱' lue' ca dxun tu bedxuj dxé̱zreba' biadu chee̱ba' zran xrílaba', na' chu'u chawu' lu na' Le̱'. Xel-la' li lazre' chee̱' gácale̱ na lue', ne gucache chawe na lue'.

Nuzú' Xránadxu Dios ca Benne' dxebeza lazru', ne Dios, Bénnea' nape̱' dute̱ xel-la' waca, chee̱ gucache chawe̱' lue'. Chee̱ le̱ na' quebe bi da cale̱la gaca na chiu', ne quebe bi xízrawe̱' chu'u na lizru'.

Dios gucache chawe̱' lue' lu xúgute̱ da ste̱be da quebe zaj nalá', ne lu xúgute̱ xízrawe̱' da dxelute na bénneache.

Welate chi gaxúa bénneache cuitu' lue', ne gaxúa gaxúa bénneache gáguze naga zu', san quebe bi sacu' lue'.

Quebe bi guchebe lue' chizrela, ne quebe bi da ste̱be te zra, ne quebe bi xízrawe̱' chee̱ da chul-la, ne quebe bi da cale̱la ca' da dxelute na bénneache te zra.