Popular Bible Verses from Salmos 51

Share

Dios, bzua neda' tu lázrdawa' xrlátaje, ne bzua tu be' li lazre' lu xichaj lázrdawa'.

Bexunna neda' xel-la' dxebé chee̱ xel-la' weselá chiu', ne bzua chuchu be' chawe' da xu'a.

Quebe gucuasu' neda' lau' Lue', ne quebe xeca'u lu xichaj lázrdawa' be' lá'azxa chiu'.

Da guzúadxu lau Dios da dxaca lazre̱' naca na tu lázxdau dxexruj lazre'. Tu lázxdau dxexruj lazre', ne da dxexíaje lazre' quebe guzú' chalá'ala, Dios.

Gúcale̱ neda', Dios, lu dute̱ xel-la' dxexache lazre' chiu'. Dute̱ xel-la' dxexache lazre' chiu' bsula zria da nabaga'. Gudibe neda' ca naca da cale̱la da nuna', ne bca'ana chawe' neda' chee̱ dul-la da be̱na'

Bca'ana chawe' neda' nen da na' dxuchínenu', na' xegá'ana' xrlátaje. Gudibe neda', na' gaca' chíchedxa ca tu bezxe'.

Lau' Lue' be̱na' dul-la. Awe', lau' Lué'queze, ne ba be̱na' da cale̱la lau' Lue'. Caní dxaca na chia' chee̱ gaca bea nacu' xrlátaje lu da dxenníu', ne nacu' du lazre' ca da dxuchi'u chee̱ bénneache.