Popular Bible Verses from Salmos 146

Share

Ba neza zrente̱ naca na chee̱ bénnea', dxácale̱ Dios chee̱ Jacob le̱', bénnea' dxebeza lazre̱' Xránadxu Dios.

Quebe guxrén lázrele benne' dxelenná bea, ne quegá bénneache lawe' da quebe xelezéquene̱' xuluselé̱' le'e.

Dxuchi'e̱ chee̱ benne' baxache' ca', ne dxugawe̱' benne' ca' dxeledune̱'. Xránadxu Dios dxuselé̱' benne' ca' zaj nada'u lu na' benne̱' ca'. Xránadxu Dios dxexune̱' xiaj lau benne' la chul-la ca'. Xránadxu Dios dxechise̱' benne' ca' dxeajlecházie̱'. Xránadxu Dios nazrí'ine̱' benne' xrlátaje ca'.

Dios na' be̱ne̱' xabáa, ne xe̱zr la xu, ne nísadau', ne xúgute̱ da zaj zra' lataj ca'. Naque̱' Bénnea' tu dxúnzqueze̱' da li lazre'.

Xránadxu Dios dxuxúe̱' benne' zitu' ca'. Nuxre̱' bidau' we̱ze̱be ca', ne nu'ula tuze ca', na' dxuchínnaje̱' da dxelún benne' ca' dxelune̱' da cale̱la.