Popular Bible Verses from 1 Corintios 5

Share

Da guca lazra' xapa' le'e naca na chee̱ quebe guchixre chee̱le nen netú benne' dxenné̱' naque̱' bíchedxu, san dxune̱' da sban, u naque̱' benne' wecude', u dxue lá'ane̱' bedáu' xiaj xaga, u dxutupe̱' dizra' bizruj, u dxí'aje̱', u naque̱' gubán. Quebe dxal-la' gágule̱le benne' caní.

Le xebéaj chalá'ala cua zichaj gula na' da dxuxrinnaj na le'e, chee̱ gácale ca tu xeta xtila da dxágudxu Laní Pascua, da dxundxu nen cua cube da quebe nachixre na cua zichaj, ca da li nácale le'e. Crístoqueze gutie̱' waláz chee̱dxu. Naque̱' chee̱dxu zrila', be̱ dxelutie̱' laní pascua.

Quegá naca chia' guchi'a chee̱ benne' dxeledá cúzrela. Dios guchi'e̱ chee̱ benne' ca'. Le'e dxal-la' guchí'ale chee̱ benne' zaj naque̱' bi bíchedxu. Chee̱ le̱ na' le xebéaj benne' dul-la na' ládujla le'e.