Popular Bible Verses from EFESIOS 5

Share

Tsʉ 'wii'¹³ joon cwoliin¹naa' tsá² 'in lɨ́ɨi¹ la lɨ́ɨi¹ Dios. Cwoliin¹naa' lawa xuui²¹² tya'a 'in 'iin²¹²in. Joon 'iin²¹²naa' 'in catyaai² jiin'¹³ la gali'iin²¹²in Cristo jna' joon gajaain'¹² 'ña'a lawa jaain²¹ joo'saa'²¹ xuui²¹² 'in jngaai'¹³ tsá² 'e cwo'² tsá² Dios lawa coon²¹ fa'¹ 'wii²¹² tyijna'. Joon 'yaai¹‑tsi Dios coon'¹³ 'e fa'¹ do.

Jǿø²øø' xiaala ngɨɨ²ɨɨ' cataain²¹ cataain²¹ coon'¹³ tún² joon jo seen²¹naa' la seein²¹ 'in tsá² 'in jo ñii²¹²‑tsi, lɨ́ɨ¹naa' tsá² jmɨɨ¹‑tsi. 'E cwoo'¹³‑'oo' jmaa²aa' 'e sá² jmoo²¹o' jee²¹² jmɨɨ²¹² no tsʉ 'e gó² jmoo¹o 'in catyaai².

Jo ngɨ́²ɨɨ' to² 'íin¹ tsʉ caa²¹naa' jilaa'²¹ 'e 'oo²oo' coon'¹³ ca juncwii²¹ tyii' 'in ngɨ́¹ la joon. Pe cwoo²oo' wa'a unrøøi²¹ Dios 'naa' coon'¹³ 'in Espíritu Tyʉ́² tya'a. Síin¹³naa' la jaain²¹ la jaan²¹naa' coon'¹³ salmos, joongɨ coon'¹³ jilaa'²¹ júu³ tyʉ́² 'e 'ø¹ tsá². Coon'¹³ jilaa'²¹ 'wa' pí³ tyii' 'øø²øø' 'e jløø'³moo' joon un'goo²¹oo' Ña'ñʉ'¹ʉ'. Joon coon²¹ tøø²mo cwoo²oo' 'maai'¹³ Dios tya' jilaa' coon'¹³ 'e sii²¹ Ña'ñʉ'¹ʉ' Jesucristo.

¡Jo cwoliin¹naa' tsá² bón¹! Cwoo'¹³‑'oo' 'e li'øøi'²¹‑'oo' 'ee 'iin²¹²in Ña'ñʉ'¹ʉ' jmaa²aa'.

Joon 'in tsañʉʉ'¹ 'ná¹ 'iin²¹²in 'oo²¹²o la gali'iin²¹²in Cristo 'in tsá² 'in galijai'² lɨ́ɨi² 'ii, joon gacwo'¹o Cristo juncwii²¹ tya'a 'wii'¹³ 'ii.

La mo jéei¹ jo mo galicwii¹naa' Dios joon lawa née¹naa' lɨ nʉʉ²¹, pe nano sɨcaan²¹naa' coon'¹³ Ña'ñʉ'¹ʉ' joon lawa née¹naa' lɨ tɨ́¹ 'yiia²¹. Tsʉ 'wii'¹³ joon ngɨɨ²ɨɨ' la tɨ́ɨi² ngɨ¹ tsá² 'in née¹i lɨ tɨ́¹ 'yiia²¹.

Joon tsʉ 'wii'¹³ un'goo²¹oo' Cristo jmée¹³naa' yaanaa' tsá² 'in nʉʉ'¹³ la 'oo'²¹ yaanaa' no.

Joon 'in tsamɨ́² tya' tsá² 'ná¹ jmáa¹a nʉʉ'¹³ʉ to² tyʉ'² nʉʉ'¹ tya'a 'wii'¹³ 'iin²¹²in jmáa¹a 'e 'yaai¹‑tsi Ña'ñʉ'¹ʉ'.

Pe fuu²¹²uu 'naa' jon 'e 'ná¹ 'iin²¹²naa' jilee'²¹naa' tsamɨ́² tyii' la 'iin²¹²naa' yaanaa', joon 'in tsamɨ́² do 'ná¹ un'goo¹o ñʉʉ'¹ tya'a.

“Tsʉ 'wii'¹³ joon itʉʉ²mo tsañʉʉ'¹ sáa³ jmɨɨ²¹ joon iuncaain²¹ coon'¹³ tsamɨ́² tya'a joon 'in gái¹ do iliin¹ lawa jaan²¹mo.”

Joon jo cwotaan²naa' coon'¹³on 'ido 'in néei¹ lɨ nʉʉ²¹ joon jmoo¹o 'e jo 'ee to² tí¹. Tyʉ́²gɨ wa'a jmaa²aa' iliñí¹ tsá² 'e gó² jmoo¹o 'ido.