Popular Bible Verses from EFESIOS 3

Share

Joon nano, cwolí² jilaa'²¹ 'e 'ya'²gɨ tya' Dios. Joon coon'¹³ 'e 'ii'²¹ tya'o 'e taa² jna' lí² jmáa¹a Dios 'wii'¹³ tyi' láai²gɨ 'áai¹ la la mɨ́²ɨ', lí²‑i jmáa¹a Dios tyi' láai²gɨ 'áai¹ ce jo lí² 'ɨ¹‑tsi' jilaa'²¹ 'e lí² jmáa¹a Dios tyi'. ¡Cwoun'goo¹o jileei'²¹ 'in jai'² lɨ́ɨi² 'ii 'wii'¹³ cwáain¹ tya' Cristo Jesús! ¡Cwoun'goo¹o 'ii coon²¹ tøø²mo! Amén.

Mɨ́³ɨɨ tyani Jmii²¹ 'e cwoo'¹³i 'naa' 'in Espíritu Tyʉ́² tya'a 'e cwo'² 'naa' wa'a pí³ tsi alma tyii'. Mɨ́³ɨɨ 'e 'wii'¹³ 'e jai'² lɨ́ɨ²naa' i'cwó² Cristo alma tyii'. Mɨ́³ɨɨ jon 'e tsʉ 'wii'¹³ tá² taan²¹²‑'oo' coon'¹³ 'e 'iin²¹²naa' Dios coon'¹³ tsá². Mɨ́³ɨɨ 'e li'øøi'²¹‑'oo' tyʉ́² coon'¹³ 'in catyaai² 'in jai'² lɨ́ɨ²i Dios xiiala fee'¹ 'iin²¹²in Cristo tsá² 'áai¹. 'Iin²¹²na iliñii²¹ii' xiiala 'ú² joongɨ xiiala cwaa²¹ joongɨ xiiala 'o'² joongɨ xiiala ñíi¹ 'e 'iin²¹²in Cristo tsá². Mɨ́³ɨɨ jon iliñí³ 'naa' xiiala 'iin²¹²in Cristo tsá² xʉfiin'¹³ jo lí² ne²na' la tí¹. Mɨ́³ɨɨ tyani Dios wa'a unrøø¹i Dios 'naa' coon'¹³ 'ña'a.

Joon tsʉ 'wii'¹³ jai'² lɨ́ɨ²na' Jesucristo lí²‑i tsatyéen¹na' tyani Dios jo cu'²‑tsi' wa' jo 'ii'²¹in jna'.