Popular Bible Verses from SAN MARCOS 1

Share

Co are ochian jidingasán, Jesús vingattjen co vac̈hjexin de ngain rajna mé para sacjoi ngain iná lugar tti ẍonhi chojni vintte co nttiha joinchecoanxinxin Dios.

Vandac̈ho Jesús ngain chojni: ―Ojoí tiempo que Dios siquetonha daca ngataha nontte. Ttentoxinhi ra cain cosa jianha que tenchehe ra co ditticaon ra tti joajna que danjo iná vida naroaxin.

Co are Jesús vac̈hjenguixin de jinda, vicon que ngajni xiré, co Espíritu Santo de Dios xincanji ẍá ná conttoanajni ngataha Jesús. Co rato mé coinhi na tté Dios que nichjaxin de ngajni co ndac̈ho: ―Jaha tti Xanhna que janha anto rinaho; co de ixin jaha, janha anto chahna.

Janha nttaguittexin jaha ra conixin jinda; pero jehe sinttaguittexin ra conixin Espíritu Santo.

Co Jesús ndac̈ho ngain na: ―Ẍacoi ra rroehna ra; jaha ra tse ra copescado, pero janha tsjagoha ra queẍén satse ra chojni para ixin Dios. Co rato mé cointtohe na nonché na co sacjoi na conixin Jesús.

Co cain nivaquinhi tti vanichja Jesús vagoan na admirado ixin Jesús vanichja inchin ná chojni que chonda anto tsje joachaxin co jeha inchin vanichja ximaestroe ley Israel.