Popular Bible Verses from EBREEɄSɄTY 5

Share

Esʉ tadʉ jeꞌxyʉ tʉꞌʉtspʉ, yʉꞌʉ jeꞌeyʉ taadʉ pʉ́n myʉda̱jtypy ja tyʉts; es nandʉꞌʉn ja ʉxpʉjkʉnʉ tsippʉ, yʉꞌʉ jyaygyujkʉp jeꞌeyʉ ja ja̱ꞌa̱y diꞌibʉ mba̱a̱t tmʉwinma̱ꞌa̱ñbyaaty yʉ oybyʉ esʉ axʉʉkpʉ.

Taaxyʉp miidsʉty mjayaꞌʉxpʉjknʉ ma̱ wiinkpʉty, mʉt ko tʉ jyajknʉ ma̱ miits xyꞌaxá̱jʉdʉ Jesús; per mdʉgoyꞌa̱jtxʉdʉp pʉ́n mdukꞌʉxpʉ́kʉdʉp jatʉgok jemy ja tʉyꞌa̱jtʉn diꞌibʉ kyaj tsyípʉty ma̱ Diosʉ ꞌyayuk. Pes miidsʉty dʉꞌʉn mꞌakꞌittʉ éxtʉmʉ maxuꞌungʉn diꞌibʉ kyaj mba̱a̱t tjeꞌxy ja kudʉꞌʉtspʉ, tsyojktʉp pʉ́n yajtsiꞌidsʉdʉp. ¿Es wiꞌix mba̱a̱t tuꞌugʉ maxuꞌunguꞌunk diꞌibʉ tsiꞌtsp ndukꞌʉxpʉjkʉm ja jikyꞌa̱jtʉnʉ oybyʉ es diꞌibʉ axʉʉk? Kyaj mba̱a̱t tjaygyukʉ, ¿kʉdii?

Es oy jyaDiosꞌuꞌungʉty, jya̱jt tmʉmʉdówʉt ja Tyeety jaꞌagyʉjxm ko ꞌyayooy; es ko ttuunda̱a̱y tʉgekyʉ diꞌibʉ Dios tsyejpy, jaꞌagyʉjxm dyajnitséky winʉ xʉʉ winʉ tiempʉ nidʉgekyʉ diꞌibáty nandʉꞌʉn mʉmʉdoojʉp

Ko tya̱dʉ Jesús jyikyꞌajty ya̱ naxwiiñ, net kya̱jxtáky es mʉk jyʉʉy, es tꞌamdooy tpʉjktsooy ja Dios diꞌibʉ mba̱a̱t kyutiky es kyaj ja Jesús ttuknáxʉt ja oꞌkʉn. Amʉdoona̱jxʉ Dios jaꞌagyʉjxm ko tmʉmʉdooy.