Popular Bible Verses from 1 TIMOTEE 4

Share

Exkʉm pʉ́n mdukxiꞌigʉdʉ mʉt ko mwimbuꞌudsʉtyñʉm; jaꞌa dʉꞌʉn myákʉp ja ijxpajtʉn mʉt ja diꞌibáty myʉbʉjktʉp ja Jesukristʉ, éxtʉm mij ja mꞌayuk, éxtʉm mnayyaꞌítyʉty mʉt ja tsojkʉn, éxtʉm mnayyaꞌítyʉty ma̱ ja mʉbʉjkʉn, es extʉm ja mjikyꞌaty wa̱ꞌa̱ts.

Pes jeꞌeyʉ waanʉ ttukꞌoyꞌaty ja niniꞌx kʉba̱jk ko nyajꞌyúngʉm, per diꞌibʉ sitʉy waanʉ niꞌigʉ ndukꞌoyꞌa̱jtʉm ko nꞌawda̱jtʉm ja Dios es nmʉduꞌunʉm. Taadʉ dʉꞌʉn tsobatp ma̱ tya̱dʉ jikyꞌa̱jtʉn diꞌibʉ tyam es nandʉꞌʉn ma̱ tadʉ jikyꞌa̱jtʉn diꞌibʉ miimp.

Kwentʉꞌat ja mjikyꞌa̱jtʉn es ja mꞌʉxpʉjkʉn. Dʉꞌʉñʉmʉ dʉꞌʉn xytyúnʉt, es dʉꞌʉn nʉjx mnitseꞌeky es nandʉꞌʉn diꞌibáty mmʉmʉdoojʉdʉp.

Per ja Espíritʉ Santʉ xytyuknija̱ꞌa̱m wa̱ꞌa̱tstiꞌknʉ ko ma̱ naty ja tiempʉ ttimpatnʉ ma̱ jyʉmbita̱ꞌa̱ñ Nindsʉnꞌa̱jtʉm, na̱a̱gʉty ñikaꞌagándʉp ja myʉbʉjkʉnʉty es tpanʉjxa̱ꞌa̱ñ ja ʉxpʉjkʉn diꞌibʉ miimp ma̱ ja kaꞌoybyʉ diꞌibʉ winꞌʉꞌʉndʉp.

Per katʉ xytyuñʉ kwentʉ lyokʉ winma̱ꞌa̱ñʉty es diꞌibʉ jeky myadyáktʉp nan nʉgoobʉ. Nik naybyʉjta̱ꞌa̱gʉdʉ amumduꞌuk jot xymyʉdúnʉt ja Dios.

Ma̱a̱nʉmts ʉj ngaja̱ꞌty, tukwinguga̱jxʉdʉ es ka̱jxwa̱ꞌx ja Diosʉ jyaaybyajtʉn, es xyaꞌʉxpʉktʉ.