Popular Bible Verses from WIDANG SI’ANG ONÉ HI YOHANÉS 8

Share

Du Anak Jimbal nggé’i roku hitut te pitun, itug kali lik-mentuk éta Surga toé haéng ca jam béhéngn.

Du tebangn terompét le malékat hitut laring cain, rodo wéwéngs usang bua agu api ata halok le daray nggere-cé’é lino. Og kali muntung pati laing telus lino agu haju, agu ngkewus taungs sanggéd remang ta’a.

Itug kali itan laku ca ntangis ata lélap éta awang langkas agu mai taén cang agu kepokn, “Copél, copél, copél da’at isét ka’éng oné lino, émé dengé kolé runing terompét de telu malékat haéd.”

Du tebangn terompét le malékat hitut te suan, manga cao-ca ného kéta poco méséy ata dila-haok ali api wéwéng nggere-oné tacik. Tacik hitu pati laing telus ciri daray

Du tebangn terompét le malékat hitut te telun, pa’u ca ntala mésé éta-mai awang dila-haok mana culuy, agu hena pati laing telus ngalor agu ulu waé. Ngasangn ntala hitu, Apsintus, ngong “Pa’it.” Pati laing telus waé ciri pa’its, agu dod ata mata le inung waé pa’it situ.

Du tebangn terompét le malékat hitut te patn, capék pati laing telus mata leso, wulang agu sanggéd ntala, wiga mora pati laing telus nérad. Mora pati laing telus gérak de leso, nenggitu kolé wié.