Popular Bible Verses from WIDANG SI’ANG ONÉ HI YOHANÉS 22

Share

Akuy dé Alfa agu Oméga, Du Wangkan agu Du Cemoln.”

Taé de Mori Yésus, “Idep di’a-di’a, tiong’g Aku te maiK kudut ba koso nolak te léko sanggéd ata lorong agu pandéd.

Taé de Nai Nggeluk agu haé-kilo de Anak Jimbal, “Mai ga!” Céing ata dengén, poro taé kolé liha, “Mai ga!” Céing ata masa waé, mai ga. Céing ata ngoéng te inung, inung kaut waé mosé hitu!

Mosé di’a isét wewas jubad, ai isé patun te hang sanggéd wua haju situt téing mosé agu ocok lut sanggéd lewang nggere-oné béndar hitu.

Taé de Mori Yésus, “Idep di’a-di’a, tiong’g Aku te maiK. Mosé di’as ata siot lorong sanggéd reweng pedé de surak ho’o!”

Toég manga kolé wié oné béndar hitu, ai isé toé manga sékék gérak de lampu agu gérak de mata leso. Mori Keraéng dé te pandé gérak isé, agu isé te perénta ného rajas dengkir lén.

Mai kepok Diha hitut téing sanggéd curup so’o, “Yo, toé celan, Aku te mai gélangk!” Amén, mai go Mori Yésus! Widang de Mori Yésus, loréng sanggés taung méu! Amén.

Aku téing saka-si oné néténg ata siot séngét sanggéd curup pedé de Mori Keraéng oné surak ho’o. Aku hi Yohanés té ing langga ho’o, “Céing kaut ata tambang curup bana oné-mai sanggéd curup daku so’o, ata hitu tambang téing copéln le Mori Keraéng ného ata poli tulis oné surak ho’o. Nenggitu kolé, céing kaut ata pandé rehong cekoén kaut sanggéd curup daku so’o, ata hitu pandé rehong le Mori Keraéng maki diha oné-mai haju te téing mosé agu oné-mai béndar nggeluk, ného situt poli tulis oné surak ho’o.”