Popular Bible Verses from WIDANG SI’ANG ONÉ HI YOHANÉS 19

Share

Ali hitu, mait ga ité naka agu cembes nai te bong Hia! Ai leso kawing de Anak Jimbal cai gi, agu nacaN polig mengkekn.

Oné jubaN agu oné pa’aN, manga tulis ngasang ho’o: “Raja de sanggéd raja agu Mori de sanggéd mori.”

Itug kali itan laku céngkay para Surga. Manga ca jarang jampi agu Hiat létin, ngasangn: “Ata Junggu agu Molor.” Hia agiln oné beté-bicar agu oné rampas.

MataN cama ného dila apiy, sa’iN tesong do kéta songkok. Oné WekiN manga tulis ngasang ata toé kéta pecing lata betuan, hanang le weki run. Hia paké juba ata poli lembo oné dara agu ho’oy ngasangN: “Reweng de Mori Keraéng.”

Oné-mai mu’uN, losa ca keléwang harat latang te béba sanggéd wa’u wiga kodas. Hia te perénta isé ali dongkar beci. Kera anggorN oné watu pénang, ngong cumpeng de Mori Keraéng Ata Pu’un Kuasa.

Kaka hitu dekoy cama-cama agu nabi tangké situt poli pandé tanda lenget bolo-mai rangan. Tanda lenget situ poli pandé wéléng isét poli tiba tanda oné-mai kaka hitu, agu isét poli suju patungn. Kaka agu nabi tangken peké déméng moséd nggere-oné api agu mburé hitut dila haok kin.