Popular Bible Verses from WIDANG SI’ANG ONÉ HI YOHANÉS 12

Share

Asé-ka’é dité poli pandé kodan Jing da’at hitu le dara de Anak Jimbal, agu le keréba molor oné-mai Mori Keraéng hitut wéwa disé. Isé condo moséd dengkir matad.

Itu kali dengén laku reweng ata télés kétay éta-mai Surga, “Ho’og cain selamak de Mori Keraéng latangt ro’éngN! Ho’og toton kuasa de Mori Keraéng Raja dité, agu kuasa di Kristus hitut poli rekéN. Ai Jing da’at, hia hitut wié-leson mboték asé-ka’é ca imbi dité bolo-mai ranga de Mori Keraéng, polig wurd oné-mai osang Surga.

Manunggé mésé ko ular médé hitu, ngong Jing da’at hitut pandé wéléng ata oné tana lino, péncar nggere-wa linoy, cama laing agu sanggéd malékatn.

Landing hitu, naka ga, oé Surga agu sanggés taung méut ka’éng bonén! Maik copél da’at, oé lino agu tacik, ai Jing da’at hitu, poli wa’u oné méun déméng rabo mésén, ai pecing liha ho’o wa ranga’g leson.”

Poli hitu tuan rampas éta Surga. Sanggéd malékat agu tu’ad hi Mikaél rampas te dungkang manunggé hitu. Koném po manunggé hitu campé le sanggéd malékatn

Manunggé hitu rabo da’at kétay oné iné-wai hitu, wiga purak taungs liha sanggéd bija banan iné-wai hitu, ngong sanggéd atat lorong perénta de Mori Keraéng, agu isét saka-si laing latang te kuasa de Mori Yésus.

Poli hitu ita ca tanda mésé éta awang: Cengata iné-wai rédung laing mata lesoy, wulang wa wa’in agu éta sa’in tesong bali-bélo oné-mai campulusuad ntala. Hia lari na’ang wekin agu pasar kin le beti kudut loas.

Iné-wai hitu loas cengata Anak ata rona, ata te perénta sanggéd wa’u ali dongkar beci. Maik Anak koé hitu rodo wentangy te ba nggere-oné Mori Keraéng agu serigaN. Iné-wai hitu losi nggere-oné satar mambaky, ca osang ata poli mengkekn le Mori Keraéng latang te hia, kudut nituy hia tinun tédéng ca sebu sua ratus enempulu leso.

Itu kali ita ca tanda bana éta awang; agu lélo ga, ca manunggé ata ndéréng-werot kétay, manga pitud sa’in agu cepulud ranggan. Éta sa’in hitu, manga pitud songkok. Le ikon sorok pati telus ntala éta awang agu péncars liha nggere-wa tana lino. Itu kali hesén manunggé hitu bolo-mai iné-wai hitut kudut loas, jengkek te omet muing Anakn du poli loasn.

Maik iné-wai hitu tiba suad lebé de ntangis mésé, kudut lélap nggere-oné osang ka’éngn oné satar mambak. Nituy hia tinun, tédéng telu agu beréha-ntaung, wiga cépéy oné-mai rani de manunggé hitu. Itug kali manunggé hitu buntar mbang mésé kudut pandé wa’a iné-wai hituy. Maik iné-wai hitu campé le linoy. Lino hitu céngka mu’un te omet mbang hitut buntar le manunggé.