Popular Bible Verses from PILIPI 4

Share

Méu weli ga, néka simpungm latang té apa kaut. Maik, tombo taung sanggéd ngoéngs oné Mori Keraéng du ngaji agu du téing wali di’a.

Hambor-libur de Mori Keraéng ata toé kéta ngancéng idep le manusia, te sémbéng nai agu nuk de méu ata nai ca anggit oné hi Kristus Yésus.

Jari, cemoln ga asé-ka’én, nuk koé taungs le méu sanggéd taung ata molord, ata mengitd, ata agild, ata nggelukd, ata di’ad te séngét agu sanggéd siot carod basa-di’a agu naun te narings.

Sanggéd cao-ca ngancéng tanggongs laku oné Hia ata téing mberes latang te aku.

Nisang ga nais oné Morin! Cangkalin kolé taé laku: Nisangm ga!

Mori Keraéng daku te téing sanggéd sékék de méu lorong bora agu mengit Diha oné hi Kristus Yésus.

Pandé taungs le méu apa kaut ata poli nungkud, ata poli tibad, ata poli dengéd agu ata poli ita de méu oné aku. Ali hitu, Mori Keraéng pu’un hambor-libur te loréng méuy.

Poro nai di’a de méu pecing taung lata do. Ai ruisn ga te caiy Mori Yésus!

Pecing laku, apa betuan géong hitu agu pecing kolé laku apa betuan héla-haé hitu. Oné pété apa kaut, toé manga can ata ceha laingd latang te aku; oné pété becur ko du pété darem, oné pété héla-haé ko oné pété géong.

Curup daku ho’o toé ali géong, ai aku poli nungku te rapak wekig oné sanggén apa kaut.