Popular Bible Verses from PILIPI 2

Share

Méu néka kawé kaut sékék de ru ko naring ata oké-bon. Maik, poro ali jinggop de méu, hiat cengata lélo ata bana céwé mésé oné-mai weki run. Néka manga ata nuk kaut sékék de run, maik nuk kolé sékék data bana.

Oné mosé cama-cama, paka manga oné méu nuk nai ného ata manga oné hi Kristus Yésus

Hia koném po ca tara agu Mori Keraéng, maik toé rékéng Liha ca tara agu Mori Keraéng hitu, cama ného paéng Run hiot paka mo’engy. Maik, Hia poli pandé wa’u wa weki Run, agu ba tara de mendiy te ciri manusiay. Oné taraN ného manusia, Hia poli pandé wa’u wa weki Run, lorong ngoéng de Mori Keraéng, ngot dengkir mataN oné haju panggol.

Weki run kéta Mori Keraéng ata widang oné méu, ot téti nai ot ngancéng pandé cembes nai Diha.

Itup tara téti étan Hia le Mori Keraéng agu widang oné Hia ngasang bétan sanggéd ngasang. Kudut hiang ngasang de Mori Yésus, sanggéd ata manga éta awang, oné lino ko be wa-mai lino, tikul taungs. Sanggéd taung isé, imbi te Hi Yésus Kristus hitu Mori, wiga bongn ngasang de Mori Keraéng, Ema!

Pandé ga sanggéd cao-ca néka ali ndu’us agu léwang tau. Ali hitu, méu ciri anak de Mori Keraéng ata toé copél agu toé manga celas ného ata nai da’at agu ata wéléng de uwa ho’o, wiga méu manga néram te gérak oné bahi-réha isé, ného néra de ntala

Asé-ka’én, ata momang laku! Ného danong méu lorong mtaungm aku, landing hitu kong jepek kin selamak de méu ali jejer agu rantang Mori Keraéng, toé hanang ného du manga kig aku, maik céwén kéta ho’o ga du aku toé manga agu méuk.