Popular Bible Verses from GALATIA 6

Share

Ité ho’o néka maél te pandé di’a. Émé ité seber te pandé di’a situ, cemoln tai ité te ako agu nongko dani.

Landing hitu rémé manga kin sokor latang te ité, mait ga ité pandé di’a agu sanggén ata, céwén kéta agu asé-ka’é ca imbi dité.

Campé-campé tau koém pola mendos. Émé nggitu, méu lorong wintuk di Kristusm.

Néka wéléng! Mori Keraéng toé ngancéng te gegay ného anak koé. Ai apa ata weri data, hitu kolé ata kudut ako diha.

Ai céing ata weri lut belek de weki, hia te tiba ampus oné-mai belek de weki run, maik céing ata weri lorong ngoéng de Nai Nggeluk, hia te tiba mosé tédéng lén ali Nai Nggeluk hitu.

Asé-ka’én, koném po hiat cengata haéng le méu lari lagé peréntan, méut mosé lorong Nai Nggeluk paka titong ata hitu le nai lembak nggere-oné salang molor. Jerék kolé wekis, kudut néka hena le damang.

Ai émé hiat cengata doing mengit weki run, kali po toé, hia hitu ata adong weki run. Néténg weki paka kékér weki run, itu po hia ngancéng mengit weki run, agu toé lélo ba weki data bana. Ai néténg ata paka pola mendo de run.